დორამიცინი
DORAMYCIN
სავაჭრო დასახელება
დორამიცინი, DORAMYCIN
საერთაშორისო არაპატენტირებული დასახელება
სპირამიცინი, Spiramycin
წამლის ფორმა
შიგნით მისაღები შემოგარსული ტაბლეტები.
აღწერილობა: ტაბლეტები, დაფარული თეთრი ან მოთეთრო-რძის¬ფერი გარსით, მრგვალი, ორმხრივამოზნექილი, ცალ მხარეს გრავირებით _ `DORA~.
შემადგენლობა
თითოეული შემოგარსული ტაბლეტი შეიცავს:
აქტიური ნივთიერება: სპირამიცინი 3 000 000 სე.
დამხმარე ნივთიერებები: სიმინდის სახა¬მებელი, ნატრიუმის კროსკარმელოზა, მაგნიუმის სტეარატი, ტალკი, მიკროკრისტალური ცელულოზა.
გარსის შემადგენლობა: ეთანოლი 96%, ჰიდროქსიპროპილმეთილცელულოზა, ტიტანის დიოქსიდი, ტალკი, პოლიეთილენგლიკოლი 6000, პოლიეთილენგლიკოლი 4000.
პრეპარატის ათქ კოდი J01FA02
ფარმაკოთერაპიული ჯგუფი
ანტიბაქტერიული საშუალებები. მაკროლიდების ჯგუფი.
ფარმაკოლოგიური თვისებები
დორამიცინი _ მაკროლიდების ჯგუფის ანტიბიოტიკი. მოქმედებს რა ბაქტერიოსტატულად, არღვევს ცილის უჯრედშიდა სინთეზს. სპირამიცინი აქტიურია შემდეგი მიკროორგანიზმე¬ბის მიმართ: სტრეპტოკოკები, მეტიცილინმგრძნობიარე სტაფილოკოკები, ენტეროკოკები, Rhodococcus equi, Branhamella catarrhalis, Bordetella pertussis, Helicobacter pylori, Campylobacter jejuni, Legionella spp., Corynebacterium diphtheriae, Moraxella spp., Mycoplasma pneumoniae, Coxiella spp., Chlamydia spp., Treponema pallidum, Borrelia burgdorferi, Leptospira spp., Propionibacterium acnes, Actinomyces spp., Eubacterium spp., Porphyromonas spp., Mobiluncus spp., Bacteroides spp., Peptostreptococcus spp., Prevotella spp., Neisseria gonorrhoeae, Ureaplasma urealyticum, Clostridium perfringens, Toxoplasma gondii. spiramicinis MICROBES: meticilinrezistentuli stafilokokebi, Enterobacter spp., Pseudomonas spp., Acinetobacter spp., Nocardia spp., Fusobacterium spp., Haemophilus spp., Mycoplasma hominis.
გამოყენების ჩვენებები
ინფექციურ-ანთებითი დაავადებები, გამოწვეული პრეპარატის მიმართ მგრძნობიარე მიკროორგანიზმებით:
- მწვავე არაჰოსპიტალური პნევმონია (Legionella pneumophila, Mycoplasma pneumoniae, Clamydia spp.);
- ქრონიკული ბრონქიტის გამწვავება;
- ყელ-ყურ-ცხვირის დაავადებები (სინუსიტები, ტონზილიტი, ოტიტი);
- ოსტეომიელიტები და ართრიტები;
-კანისა და რბილი ქსოვილების ინფექციები (წითელი ქარი, მეორადი დაინფიცირებული დერმატოზები, აბსცესები და ფლეგმონები, მ.შ. სტომატოლოგიაში);
- სასქესო სისტემის ინფექციები (არაგონორეული ეტიოლოგიის);
-სქესობრივი გზით გადამდები დაავადებები (მ.შ. გენიტალური და ექსტრაგენიტალური ქლამიდიოზი);
- ტოქსოპლაზმოზი (მ.შ. ორსულებში).
მენინგოკოკური მენინგიტის პროფილაქტიკა იმ პირებში, რომელ¬თაც კონტაქტი ჰქონდათ ავადმყოფთან დიაგნოზის დასმამდე 10 დღით ადრე.
რევმატიზმის რეციდივების პროფილაქტიკა.
უკუჩვენებები
- სპირამიცინსა და პრეპარატის სხვა კომპონენტების მიმართ ჰიპერმგრძნობელობა;
- ღვიძლის ფუნქციების გამოხატული დარღვევები.
გვერდითი მოქმედება
ერთეულ შემთხვევებში შესაძლებელია ღებინება, გულისრევა, დიარეა, კანის ალერგიული რეაქციები.
მიღების წესი და დოზირება
მოზრდილებში ინიშნება 2-3 ტაბლეტი 3 მლნ. სე (6-9 მლნ. სე) დღე-ღამეში 2 ან 3 მიღებად. მაქსიმალური სადღეღამისო დოზა შეადგენს 9 მლნ. სე.
ბავშვებში ინიშნება 1,5 მლნ. სე/10 კგ-წონაზე დღე-ღამეში გაყოფილი 2 მიღებად.
ბრონქებისა და ფილტვების მწვავე დაავადებებისას მოზრდილებში ინიშნება 1,5 მლნ. სე ყოველ 8 საათში (4,5 მლნ. სე დღე-ღამეში), მძიმე შემთხვევებში შესაძლებელია დოზის 2-ჯერ გაზრდა.
მენინგოკოკური მენინგიტის პროფილაქტიკისათვის მოზრდილებში ინიშნება
3 მლნ. სე ყოველ 12 საათში 5 დღის მანძილზე, ბავშვებში – 0,75 მლნ. სე სხეულის მასის 10კგ-ზე ყოველ 12 საათში 5 დღის მანძილზე.
თირკმელების ფუნქციის დარღვევების მქონე პაციენტები, დაბალი თირკმლისმიერი ექსკრეციის გამო, დოზის კორექციას არ საჭიროებენ.
დოზის გადაჭარბება
სპირამიცინის ტოქსიკური დოზა არ არის განსაზღვრული.
სპეციფიკური ანტიდოტი არ არსებობს. მკურნალობა სიმპტომურია.
ურთიერთქმედება სხვა სამკურნალო საშუალებებთან
ლევოდოპასა და კარბიდოპას შემცველ პრეპარატებთან ერთდროული გამოყენებისას პლაზმაში ლევოდოპას შემცველობის შემცირება აღინიშნა.
განსაკუთრებული მითითებები
ღვიძლის დარღვეული ფუნქციების მქონე პაციენტები პრეპარა¬ტის გამოყე¬ნების პერიოდში საჭიროებენ ღვიძლის ფუნქციური მაჩ¬ვე¬ნებლების კონტ¬როლს.
ავტომობილისა და სხვა მექანიზმების მართვის უნარზე ზემოქ¬მედება
პრეპარატი არ იწვევს პაციენტის ფსიქოფიზიკური მდგომარეობის შეცვლას, არ აქვეითებს ავტოტრანსპორტის მართვისა და მექანიზმებთან მუშაობის უნარს.
გამოყენება ორსულობისა და ლაქტაციის დროს
დორამიცინის გამოყენება ორსულობის დროს შესაძლებელია ჩვენებების მიხედვით.
ლაქტაციის პერიოდში პრეპარატის დანიშვნისას ძუძუთი კვება უნდა შეწყდეს, ვინაიდან შესაძლებელია სპირამიცინის გამოყოფა დედის რძესთან ერთად.
გამოშვების ფორმა
3 000 000 სე-ის შემცველი შემოგარსული ტაბლეტები, ორმხრივამოზნექილი, ცალ მხარეს გრავირებით _ "DORA~.
5 ტაბლეტი ბლისტერში.
2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
ინახება არაუმეტეს 25C ტემპერატურაზე.
ინახება ბავშვებისათვის მიუწვდომელ ადგი¬ლას.
ვარგისიანობის ვადა
3 წელი წარმოების თარიღიდან. პრეპარატის გამოყენება არ შეიძლება ვარგისიანობის ვადის ამოწურვის შემდეგ.
აფთიაქიდან გაცემის პირობები
გაიცემა ფორმა #3 რეცეპტით.
