L-ვიავა
L-VIAVA
სავაჭრო დასახელება
L-ვიავა, L-Viava
საერთაშორისო არაპატენტირებული დასახელება
ლევოკარნიტინი, , Levocarnitine
წამლის ფორმა
საინექციო ხსნარი.
აღწერილობა: გამჭვირვალე, უფერო ხსნარი.
შემადგენლობა
ხსნარის 1 ამპულა შეიცავს:
აქტიური ნივთიერება: ლევოკარნიტინი 1,0 გ.
დამხმარე ნივთიერებები: ქლორწყალბადმჟავა, საინექციო წყალი.
პრეპარატის ათქ კოდი A16AA01
ფარმაკოთერაპიული ჯგუფი
საჭმლის მომნელებელ სისტემასა და მეტაბოლურ პროცესებზე მოქმედი საშუალებები.
ამინომჟავები და მათი წარმოებულები.
ფარმაკოლოგიური თვისებები
ფარმაკოდინამიკა
L-ვიავა პრეპარატი მეტაბოლური პროცესების კორექციისათვის.
ლევოკარნიტინი – B ჯგუფის ვიტამინების მონათესავე ბუნებრივი ნივთიერება. მონაწილე- ობს ნივთიერებათა ცვლის პროცესებში, უჯრედული მემბრანების გავლით ციტოპლაზმიდან მიტოქონდრიებში ცხიმოვანი მჟავების გადამტანის სახით, სადაც ეს მჟავები განიცდიან -დაჟანგვას ენერგიის (ატფ-ის ფორმით) დიდი რაოდენობის წარმოქმნით. კოენზიმი A-ს გამოთავისუფლებით ლევოკარნიტინი აძლიერებს კრებსის ციკლში მეტაბოლიტების მოხ-ვედრას. ამავე მექანიზმით ის ასტიმულირებს პირუვატდეჰიდროგენაზას აქტივობას ჩონჩხის კუნთებში და განშტოებული ამინომჟავების დაჟანგვას. Pპრეპარატი ახდენს ცილოვანი და ცხიმოვანი ცვლის ნორმალიზებას, აღადგენს სისხლის ტუტოვან რეზერვს, თრგუნავს ანაერობულ გლიკოლიზსა და კეტომჟავების წარმოქმნას, ამცირებს ლაქტაციდოზის ხარისხს, აგრეთვე, ზრდის მოტორულ აქტივობასა და გამძლეობას ფიზიკური დატვირთვისადმი, ამასთანავე ხელს უწყობს გლიკოგენის ეკონომიურ ხარჯვასა და ღვიძლში მისი მარაგის ზრდას.
ფარმაკოკინეტიკა
ლევოკარნიტინი არ უკავშირდება სისხლის პლაზმის ცილებს, აღწევს ორგანიზმის ყველა ქსოვილში. ლევოკარნიტინის ყველაზე მაღალი კონცენტრაციები წარმოიქმნება ჩონჩხის კუნთებსა და მიოკარდიუმში.
ნახევარგამოყოფის პერიოდი შეადგენს 17,4 საათს. გამოიდევნება თირკმელებით (76% 24 საათში).
გამოყენების ჩვენებები
კარნიტინის პირველადი და მეორადი დეფიციტი;
კარნიტინის დეფიციტი თირკმლის უკმარისობის ტერმინალურ სტადიაზე ჰემოდიალიზზე მყოფ პაციენტებში;
მიოკარდიუმის მეტაბოლიზმის დარღვევები გულის იშემიური დაავადების (მიოკარდიუმის მწვავე ინფარქტი, პოსტინფარქტური პერიოდი), კარდიომიოპათიების ფონზე;
_ კარდიოტოქსიურობის კონტროლი ციტოსტატიკების გამოყენებისას;
_ დაავადებები და მდგომარეობები, რომლებსაც თან ახლავს მადის და კვებითი რეფლექსების დაქვეითება, სხეულის მასის შემცირება, დასუსტება მოზრდილებში და ბავშვებში (ნევროგენული, ანორექსია, ფსიქიური დაავადებები, დისცირკულატორული და ტრავმული ენცეფალოპათია; ქრონიკული გასტრიტი შემცირებული სეკრეტორული ფუნქციით, ქრონიკული პანკრეატიტი გარესეკრეტორული უკმარისობით; რეკონვალესცენციის პერიოდი მძიმე ტრავმების და ქირურგიული ჩარევის შემდეგ; დღენაკლულობა, სამშობიარო ტრავმა, ახალშობილთა რესპირატორული დისტრეს სინდრომი; რეიეს სინდრომის მსგავსი სინდრომოკომპლექსი (ჰიპოგლიკემია, ჰიპოკეტონემია, კომა) რომელიც უვითარდებათ ბავშვებს ვალპროის მჟავას მიღების ფონზე; ზრდის შეფერხება და სხეულის მასის დეფიციტი ბავშვებში და 16 წლამდე მოზარდებში);
_ თირეოტოქსიკოზის მარტივი ფორმა ბავშვებში და 16 წლამდე მოზარდებში;
_ კომპლექსური თერაპიის შემადგენლობაში კანის დაავადებებისას (ფსორიაზი, სებორეული ეგზემა, კეროვანი სკლეროდერმია და დისკიოდური წითელი მგლურა);
თავის ტვინის სისხლის მიმოქცევის მწვავე და ქრონიკული დარღვევები.
მიღების წესი და დოზირება
L-ვიავას საინექციო ხსნარი განკუთვნილია კუნთებში და ვენაში შესაყვანად.
ინტრავენური წვეთოვანი ინფუზიის წინ პრეპარატის 0,5-1 გ ხსნიან 200-500 მლ 0,9% ნატრიუმის ქლორიდის ან რინგერ ლაქტატის ხსნარში. ინტრავენურად პრეპარატი შეიყვანება ნელა 2-3 წუთის განმავლობაში.
ინტრამუსკულალარულად პრეპარატი შეიყვანება განუზავებელი სახით.
მოზრდილებში და 12 წელზე უფროსი ასაკის ბავშვებში პრეპარატი ინიშნება 2-6 გ დღე-ღამეში.
12 წლამდე ასაკის ბავშვებში და ახალშობილებში: 50-100 მგ/კგ დღე-ღამეში, მაგრამ არაუმეტეს 3 გ-ისა დღე-ღამეში.
L-ვიავას რეკომენდირებული დოზა 50 კგ სხეულის მასაზე შეადგენს 1 გ-ს 1-2-ჯერ დღე-ღამეში კუნთში ან ვენაში.
L-ვიავას საწყისი სადღეღამისო დოზა მოზრდილებში შეადგენს 1 გ-ს და ბავშვებში 50 მგ/კგ-ზე.
შემდგომში შესაძლებელია დოზის თანდათან მატება თერაპიული შედეგის და ამტანობიდან გამომდინარე, აგრეთვე თერაპიის დროს ფიზიკური დატვირთვის გათვალისწინებით.
კარნიტინის პირველადი დეფიციტისას სადღეღამისო დოზა დამოკიდებულია განვითარების კონკრეტულ ანომალიაზე და მწვავე დეკომპენსაციისას შეიძლება შეადგენდეს 100 მგ/კგ 4 ან მეტ შეყვანაზე. სტანდარტული სადღეღამისო დოზა – 50 მგ/კგ ინტრავენურად 3-4 შეყვანაზე.
კარნიტინის მეორადი დეფიციტისას სადღეღამისო დოზა შეადგენს 50 მგ/კგ ნელი ინტრავენური ინექციების ან ინფუზიების სახით.
ჰემოდიალიზზე მყოფ პაციენტებში კარნიტინის დეფიციტისას საწყისი დოზა შეადგენს 10-20 მგ/კგ ნელი ინტრავენური ინექციის სახით ჰემოდიალიზის სეანსის შემდეგ კვირაში სამჯერ. კუნთებში კარნიტინის მარაგის აღსადგენად L-ვიავას ინტრავენური შეყვანა უნდა გაგრძელდეს მინიმუმ 3 თვე. განმეორებითი დანიშვნის აუცილებლობა განისაზღვრება პლაზმაში კარნიტინის დონის კონტროლის (რეგულარული ინტერვალებით) და პაციენტის მდგომარეობის მონიტორინგის საფუძველზე.
მიოკარდიუმის მწვავე ინფარქტის დროს სადღეღამისო დოზა შეადგენს 100-200 მგ/კგ სხეულის წონაზე 4 ნელი ინტრავენური ინექციის ან უწყვეტი ინტრავენური ინფუზიის სახით პირველი 48 საათის განმავლობაში. შემდგომში შესაძლებელია გადასვლა ინტრამუსკულარულ გამოყენებაზე და საჭიროა დოზის 2-ჯერ შემცირება კარდიოლოგიურ განყოფილებაში პაციენტის ყოფნის ბოლომდე.
კარდიოგენური შოკის დროს ინტრავენური შეყვანა უნდა გაგრძელდეს აღნიშნული მდგომარეობიდან გამოსვლამდე.
პოსტინფარქტულ პერიოდში და კარდიომიოპათიებისას L-ვიავა ინიშნება დოზით 0,5-1 გ 1-2-ჯერ დღე-ღამეში ინტრავენურად ან ინტრამუსკულარულად.
თავის ტვინში სისხლის მიმოქცევის მწვავე დარღვევებისას პირველი 3 დღის განმავლობაში შეიყვანება ინტრავენურად ან ინტრამუსკულარულად 10-14 მგ/კგ სხეულის წონაზე, მომდევნო დღეებში – 7 მგ/კგ სხეულის წონაზე. მკურნალობის საერთო კურსი შეადგენს 7-10 დღეს. აუცილებლობისას 10-12 დღის შემდეგ ტარდება განმეორებითი კურსი დოზით 7 მგ/კგ სხეულის წონაზე ინტრავენურად ან ინტრამუსკულარულად 3-5 დღის განმავლობაში.
თავის ტვინის სისხლის მიმოქცევის ქრონიკული დარღვევებისას, თავის ტვინის სისხლძარღვოვანი, ტოქსიური და ტრავმული გენეზის დაზიანებებისას, ინიშნება L-ვიავას 0,5-1,0 გ ინტრავენურად ან ინტრამუსკულარულად ერთჯერ დღე-ღამეში 3-5 დღის განმავლობაში. საჭიროებისამებრ, 12-14 დღის შემდეგ ინიშნება განმეორებითი კურსი.
მოზრდილებში ნერვული ანორექსიის სინდრომისას, აგრეთვე აღდგენით პერიოდში გადატანილი დაავადებებისა და ქირურგიული ჩარევების შემდგომ 2 გ 2-ჯერ დღე-ღამეში ინტრავენურად ან ინტრამუსკულარულად. გამოყენების ხანგრძლივობა: 1-2 თვე.
პაციენტებში შემცირებული სეკრეტორული ფუნქციის ქრონიკული გასტრიტით და ქრონიკული პანკრეატიტით გარესეკრეტორული უკმარისობით მადის სტიმულაციისას და სხეულის მასის მომატებისას პრეპარატი ინიშნება ერთჯერადი დოზით 500 მგ 2-ჯერ დღე-ღამეში ინტრავენურად ან ინტრამუსკულარულად შემდგომ პერორალურ მიღებაზე გადასვლით. გამოყენების ხანგრძლივობა 1-1,5 თვე.
კანის დაავადებების მკურნალობისას ერთჯერადი დოზა შეადგენს 1 გ 2-ჯერ დღე-ღამეში. დაავადების სიმძიმისგან დამოკიდებულებით იყენებენ ინტრავენურად ან ინტრამუსკულარულად შემდგომი პერორალურ მიღებაზე გადასვლით. გამოყენების ხანგრძლივობა: 2-4 კვირა.
ზრდის შეფერხებისას და ჰიპერთირეოზისას ერთჯერადი დოზა შეადგენს 250 მგ 1-3 დღე-ღამეში ინტრავენურად ან ინტრამუსკულარულად შემდგომი პერორალურ მიღებაზე გადასვლით. მიღების ხანგრძლივობა შეადგენს 20 დღეს. მკურნალობის კურსს იმეორებენ 1-2 თვიანი ინტერვალის შემდეგ ან იღებენ 3 თვის განმავლობაში შესვენების გარეშე.
მკურნალობის ხანგრძლივობა შეადგენს 1-დან 12 თვემდე. აუცილებლობისას ტარდება თერაპია მთელი სიცოცხლის განმავლობაში. მონიტორინგი უნდა მოიცავდეს სისხლის ბიოქიმიური ანალიზის ჩატარებას, ორგანიზმის სიცოცხლისათვის მნიშვნელოვანი ფუნქციების შეფასებას, პლაზმაში კარნიტინის კონცენტრაციის დადგენას და კლინიკური მდგომარეობის საერთო შეფასებას. რეკომენდირებულია თერაპიის კონტროლი, პლაზმაში და შარდში თავისუფალი და აცილირებული ლევოკარნიტინის კონცენტრაციის ადექვატური დოზის განსასაზღვრად. პლაზმაში კარნიტინის კონცენტრაცია შეადგენს 35-60 მკმოლ/ლ. თანაფარდობა პლაზმაში აცილირებული და თავისუფალი კარნიტინის ნორმაში შეადგენს 0,35.
უკუჩვენებები
მომატებული მგრძნობელობა პრეპარატის კომპონენტებისადმი.
გვერდითი მოვლენები
აღინიშნა გარდამავალი ხასიათის გულისრევა და ღებინება. შედარებით იშვიათი გვერდითი ეფექტები – სხეულის სპეციფიკური სუნი და გასტრიტი. აღინიშნა კრუნჩხვების განვითარება ან მათი სიხშირის მომატება ანამნეზში კრუნჩხვის სინდრომის მქონე პაციენტებში. ინტრავენურად სწრაფი შეყვანისას (80 წვეთი წუთში ან მეტი) შესაძლებელია ტკივილი ვენების გასწვრივ, რომელიც გაივლის შეყვანის სიჩქარის შემცირებისას.
განსაკუთრებული მითითებები
შაქრიანი დიაბეტის მქონე პაციენტებში L-ვიავას დანიშვნამ შეიძლება გამოიწვიოს ჰიპოგლიკემიის განვითარება გლუკოზის ათვისების გაუმჯობესების შედეგად. ამასთან დაკავშირებით, პრეპარატის მიღების პერიოდში უნდა ჩატარდეს სისხლში გლუკოზის დონის რეგულარული კონტროლი და საჭიროებისამებრ, მოხდეს ინსულინისა და ჰიპოგლიკემიური პრეპარატების დოზების კორექცია.
ზეგავლენა ავტოტრანსპორტისა და მექანიზმების მართვის უნარზე
L-ვიავა გავლენას არ ახდენს ავტოტრანსპორტის ან რთული მექანიზმების მართვის უნარზე.
გამოყენება ორსულობისა და ლაქტაციის პერიოდში
L-ვიავას გამოყენება ორსულობისა და ლაქტაციის პერიოდში შეიძლება მხოლოდ იმ შემთხვევაში, როდესაც თერაპიული სარგებელი დედისათვის აღემატება პოტენციურ რისკს ნაყოფისათვის ან ჩვილისათვის.
ურთიერთქმედება სხვა სამკურნალო საშუალებებთან
გლუკოკორტიკოსტეოროიდებთან (გკს) ერთდროული გამოყენებისას ხელს უწყობს ქსოვილებში (ღვიძლის გარდა) ლევოკარნიტინის დაგროვებას.
ჭარბი დოზირება
მონაცემები ტოქსიკურობის შესახებ ლევოკარნიტინის ჭარბი დოზირებისას არ არსებობს.
გამოშვების ფორმა
საინექციო ხსნარის 5 მლ ყვითელი შუშის ამპულებში.
5 ამპულა კონტურულ-უჯრედოვან შეფუთვაში. 1 ან 2 კონტურულ-უჯრედოვანი შეფუთვა ფურცელ-ჩანართთან ერთად მუყაოს კოლოფში.
შენახვის წესი
ინახება არა უმეტეს 250ჩ-ზე.
ინახება ბავშვებისათვის მიუწვდომელ ადგილას!
ვარგისიანობის ვადა
3 წელი წარმოების თარიღიდან.
არ გამოიყენება ვარგისიანობის ვადის ამოწურვის შემდეგ.
აფთიაქიდან გაცემის პირობა
გაიცემა რეცეპტით.
მწარმოებელი
“დრ სერტუს ილაჩ სანაი ვე ტიკარეტ ლიმიტედ შირკეტი”, თურქეთი
(“DR SERTUS İLAÇ SANAYİ VE TİCARET LİMİTED ŞİRKETİ”, TURKEY).
დამზადებულია
“მეფარ ილაჩ სანაი ა.შ.”-ს მიერ, თურქეთი
(რამაზანოლუ მახ. ენსარ ჯად. №: 20, 34906 კურტკეი-პენდიკ/სტამბოლი)A
“Mefar İlaç Sanayii A.Ş.”, Turkey
(Ramazanoğlu Mah. Ensar Cad. No: 20, 34906 Kurtköy-Pendik/İstanbul).
