ელფუნატი
ELFUNAT
სავაჭრო დასახელება
ელფუნატი, ELFUNAT
საერთაშორისო არაპატენტირებული დასახელება
ეთილმეთილჰიდროქსიპირიდინის სუქცინატი, Eტჰყლმეტჰყლჰყდროხყპყრიდინე სუცცინატე
წამლის ფორმა
ხსნარი ინტრამუსკულარული და ინტრავენური გამოყენებისთვის.
აღწერილობა: გამჭვირვალე უფერო ან ოდნავ მოყავისფრო ხსნარი.
შემადგენლობა
პრეპარატის 1 მლ შეიცავს
აქტიური ნივთიერება: ეთილმეთილჰიდროქსიპირიდინის სუქცინატი 50 მგ.
დამხმარე ნივთიერება: საინექციო წყალი.
პრეპარატის ათქ კოდი: N07XX
ფარმაკოთერაპიული ჯგუფი
ნერვული სისტემის დაავადებების სამკურნალო სხვა პრეპარატები.
ფარმაკოლოგიური თვისებები
ფარმაკოდინამიკა
ელფუნატს გააჩნია ანტიოქსიდანტური, ანტიჰიპოქსიური, მემბრანოპროტექტორული, ნოოტროპული, კრუნჩხვის საწინააღმდეგო, ანქსიოლიზური და ჰიპოლიპიდემიური მოქმედება. ზრდის ორგანიზმის მდგრადობას სტრესისა და სხვადასხვა დამაზიანებელი ფაქტორების მიმართ, როგორიცაა, შოკი, ჰიპოქსია, იშემია, ტვინში სისხლის მიმოქცევის დარღვევები, ალკოჰოლით და ანტიფსიქოზური პრეპარატებით (ნეიროლეპტიკებით) ინტოქსიკაცია.
აუმჯობესებს თავის ტვინის სისხლით მომარაგებასა და მეტაბოლიზმს. ახდენს სისხლის უჯრედების მემბრანულ სტრუქტურების სტაბილიზაციას, ხელს უშლის ჰემოლიზს. გააჩნია ჰიპოლიპიდემიური მოქმედება, აქვეითებს საერთო ქოლესტერინისა და დაბალი სიმკვრივის ლიპოპროტეიდების დონეს. ამცირებს ფერმენტულ ტოქსემიასა და ენდოგენურ ინტოქსიკაციას ქრონიკული პანკრეატიტის დროს.
პრეპარატის მოქმედების მექანიზმი განპირობებულია მისი ანტიოქსიდანტური და მემბრანოპროტექტორული აქტივობით. აინჰიბირებს ლიპიდების პეროქსიდული ჟანგვის პროცესებს, ზრდის სუპეროქსიდაზების აქტივობას, ზრდის ლიპიდ-ცილოვან თანაფარდობას, აუმჯობესებს უჯრედის მემბრანის სტრუქტურასა და ფუნქციას. ახდენს მემბრანებთან შეკავშირებული ფერმენტების აქტივობის (კალციუმდამოუკიდებელი ფოსფოდიესთერაზა, ადენილატციკლაზა, აცეტილქოლინესთერაზა), რეცეპტორული კომპლექსების (ბენზოდიაზეპინური, გაემ, აცეტილქოლინური) მოდილირებას, რაც აძლიერებს მათი ლიგანდებთან შეკავშირების უნარს, ხელს უწყობს ბიომემბრანების სტრუქტურულ-ფუნქციურ ორგანიზაციას, რის შედეგადაც უმჯობესდება ნეირომედიატორების ტრანსპორტი და შესაბამისად, სინაპსური გადაცემა.
ელფუნატი ზრდის თავის ტვინში დოფამინის კონცენტრაციას. აძლიერებს აერობული გლიკოლიზის კომპენსაციურ აქტივაციას და აქვეითებს კრებსის ციკლში ჰიპოქსიის პირობებში ჟანგვითი პროცესების დათრგუნვის ხარისხს ადენოზინტრიფოსფატის (ატფ) და კრეატინინფოსფატის გაზრდის ხარჯზე, ააქტივებს მიტოქონდრიის ენერგომასინთეზებელ ფუნქციას, უჯრედული მემბრანების სტაბილიზაციას.
ელფუნატი ახდენს მეტაბოლური პროცესების ნორმალიზებას იშემიურ მიოკარდში, ამცირებს ნეკროზის ზონას, აღადგენს და აუმჯობესებს მიოკარდიუმის ელექტრულ აქტივობასა და კუმშვადობას, აგრეთვე ზრდის კორონარულ სისხლის მიმოქცევას იშემიის ზონაში, ამცირებს რეპერფუზიული სინდრომის შედეგებს მწვავე კორონარული უკმარისობის დროს. ზრდის ნიტრატების ანტიანგინურ აქტივობას. ხელს უწყობს ბადურას განგლიოზური უჯრედებისა და მხედველობის ნერვის ბოჭკოების შენახვას პროგრესირებადი ნეიროპათიის დროს, რომლის მიზეზსაც წარმოადგენს ქრონიკული იშემია და ჰიპოქსია. აუმჯობესებს ბადურას და მხედველობის ნერვის ფუნქციურ აქტივობას, ზრდის მხედველობის სიმახვილეს.
ფარმაკოკინეტიკა
ინტრამუსკულარული შეყვანისას, სისხლის პლაზმაში განისაზღვრება შეყვანიდან 4 საათის განმავლობაში. სისხლის შრატში მაქსიმალური კონცენტრაციის მიღწევის დრო 0,45-0,50 საათს შეადგენს. 400-500 მგ დოზის შეყვანისას მაქსიმალური კონცენტრაცია 3,5-4,0 მკგ/მლ-ია.
სისხლის მიმოქცევის წრიდან სწრაფად გადადის ორგანოებსა და ქსოვილებში და სწრაფად ელიმინირდება ორგანიზმიდან. ორგანიზმში პრეპარატის საშუალო დაყოვნების დრო შეადგენს 0,7-1,3 საათს.
ორგანიზმიდან გამოიყოფა შარდით, ძირითადად გლუკურონის კონიუგატების და უმნიშვნელო რაოდენობით - შეუცვლელი სახით.
გამოყენების ჩვენებები
- სისხლის მიმოქცევის მწვავე დარღვევები ტვინში;
- ქალა ტვინის ტრამვა, ქალა-ტვინის ტრამვის შედეგები;
- დისცირკულატორული ენცეფალოპათია;
- ვეგეტო-სისხლძარღვოვნი (ნეიროცირკულატორული) დისტონია;
- თავის ტვინის ფუნქციების ათეროსკლეროზით გამოწვეული დარღვევები (მარტივი კოგნიტიური დარღვევები);
- განგაშის შეგრძნება ნევროზული და ნევროზის მსგავსი მდგომარეობების დროს;
- მიოკარდიუმის მწვავე ინფარქტი (პირველი დღეებიდან), კომპლექსური თერაპიაში
- ალკოჰოლური აბსტინენციის სინდრომი კლინიკურ სურათში ნევროზული და ვეგეტო-სისხლძარღვოვანი დარღვევებით;
- ნეიროლეპტიკებით მწვავე ინტოქსიკაცია;
- მუცლის ღრუს მწვავე ჩირქოვან-ანთებითი პროცესები (მწვავე ნეკროზული პანკრეატიტი, პერიტონიტი) - კომპლექსური თერაპიაში;
- პირველადი ღია კუთხიანი გლაუკომის სხვადასხვა სტადია - კომპლექსური თერაპიაში.
გამოყენების წესი და დოზები
ელფუნატი გამოიყენება ინტრამუსკულარული და ინტრავენური შეყვანისათვის (ნაკადური ან წვეთოვანი სახით). ინფუზიის გზით შეყვანისას პრეპარატი უნდა განზავდეს ნატრიუმის ქლორიდის 0,9% ხსნარში.
ნაკადური სახით პრეპარატი შეყავთ ნელა 5-7 წუთის განმავლობაში, წვეთოვნად - 40-60 წვეთი წუთში სიჩქარით. მაქსიმალური სადღეღამისო დოზა არ უნდა აჭარბებდეს 1200 მგ-ს.
ტვინში სისხლის მიმოქცევის მწვავე დარღვევების დროს - ინტრავენურად წვეთოვნად 200-500 მგ 2-4-ჯერ დღეში პირველ 10-14 დღე, შემდეგ - ინტრამუსკულარულად 200-250 მგ 2-3-ჯერ დღეში - 2 კვირის განმავლობაში.
ქალა ტვინის ტრავმისა და ქალა-ტვინის ტრავმის შედეგების სამკურნალოდ - ინტრავენურად წვეთოვნად 200-500 მგ 2-4-ჯერ დღეში 10-15 დღის განმავლობაში.
დისცირკულატორული ენცეფალოპათიის დეკომპენსაციის ფაზაში - ინტრავენურად ნაკადურად ან წვეთოვნად 200-500 მგ 1-2-ჯერ დღეში 14 დღის განმავლობაში, შემდეგ - ინტრამუსკულარულად 100-250 მგ დღეში 2 კვირის განმავლობაში.
დისცირკულატორული ენცეფალოპათიის კურსობრივი პროფილაქტიკის მიზნით - ინტრამუსკულარულად 200-250 მგ 2-ჯერ დღეში 10-14 დღის განმავლობაში.
მსუბუქი კოგნიტიური დარღვევები ხანშიშესულ პაციენტებში და განგაშის შეგრძნება ნევროზისა და ნევროზის მსგავსი მდგომარეობებისას - ინტრამუსკულარულად 100 – 300 მგ დღეში 14 – 30 დღის განმავლობაში.
ვეგეტო-სისხლძარღვოვანი დისტონიის და განგაშის შეგრძნებისას ნევროზისა და ნევროზის მსგავსი მდგომარეობების დროს - ინტრამუსკულარულად 50-400 მგ დღეში 14 დღის განმავლობაში.
მარტივი კოგნიტიური დარღვევების დროს - ინტრამუსკულარულად 100-300 მგ დღეში 14-30 დღის განმავლობაში.
მწვავე ინფარქტის კომპლექსური თერაპიის შემადგენლობაში - ელფუნატი შეყავთ ინტრავენურად ან ინტრამუსკულარულად 14 დღის განმავლობაში, მიოკარდიუმის ინფარქტის ტრადიციული მკურნალობის ფონზე, ნიტრატების, ბეტა-ადრენობლოკატორების, ანგიონტენზინ გარდამქმნელი ფერმენტის (აგფ) ინჰიბიტორების, თრომბოლიტიკების, ანტიკოაგულაციური და ანტიაგრეგაციული საშუალებებისა და სხვა სიმპტომური პრეპარატების პარალელურად, ჩვენებების მიხედვით. მაქსიმალური ეფექტის მისაღწევად, პირველი 5 დღე სასურველია პრეპარატის ინტრავენური, ხოლო შემდეგი 9 დღე შეიძლება ინტრამუსკულარული შეყვანა.
პრეპარატის ინტრავენურ შეყვანას აწარმოებენ წვეთვანი ინფუზიის გზით, ნელა (გვერდითი ეფექტების თავიდან აცილების მიზნით) 100-150 მლ მოცულობის 0,9% ნატრიუმის ქლორიდის ან 5% დექსტროზას (გლუკოზას) ხსნარში 30-90 წუთის განმავლობაში. აუცილბლობის შემთხვევაში შესაძლებელია პრეპარატის ნელი, ნაკადური შეყვანა, არანაკლებ 5 წუთის განმავლობაში.
პრეპარატის შეყვანა (ინტრავენური ან ინტრამუსკულარული) ხორციელდება 3-ჯერ დღე-ღამეში, ყოველ 8 საათში ერთხელ. სადღეღამისო თერაპიული დოზა შეადგენს 6-9 მგ/კგ სხეულის მასაზე, ერთჯერადი დოზა - 2-3 მგ/კგ. მაქსიმალური სადღეღამისო დოზა არ უნდა აჭარბებდეს 800 მგ, ერთჯერადი - 250 მგ-ს.
ალკოჰოლური აბსტინენციის სინდრომის დროს - ინტრავენურად წვეთოვნად ან ინტრამუსკულარულად 200-500 მგ 2-3-ჯერ დღეში 5-7 დღის განმავლობაში.
ანტიფსიქოზური საშუალებებით მწვავე ინტოქსიკაციის დროს - ინტრავენურად 200-500 მგ დღე-ღამეში 7-14 დღის განმავლობაში.
მუცლის ღრუს მწვავე ჩირქოვან-ანთებითი პროცესების დროს (მწვავე ნეკროზული პანკრეატიტი, პერიტონიტი) პრეპარატი ინიშნება პირველივე დღიდან, როგორც ოპერაციამდელ, ისე ოპერაციის შემდგომ პერიოდში. შესაყვანი დოზები დამოკიდებულია დაავადების ფორმასა და სიმძიმეზე, პროცესის გავრცლებაზე, კლინიკური მიმდინარეობის ვარიანტებზე. პრეპარატის მოხსნა უნდა მოხდეს თანდათან, მხოლოდ მდგრადი დადებითი კლინიკურ-ლაბორატორიული ეფექტის შემდეგ.
მწვავე შეშუპებითი (ინტერსტიციული) პანკრეატიტის დროს - 200-500 მგ 3-ჯერ დღეში ინტრავენურად წვეთოვნად (0,9% ნატრიუმის ქლორიდის ხსნარში) და ინტრამუსკულარულად.
მსუბუქი ნეკროზული პანკრეატიტის დროს - 100-200 მგ 3-ჯერ დღეში ინტრავენურად წვეთოვნად (0,9% ნატრიუმის ქლორიდის ხსნარში) და ინტრამუსკულარულად.
საშუალო სიმძიმის მწვავე ნეკროზული პანკრეატიტის დროს - 200 მგ 3- დღეში ინტრავენურად წვეთოვნად (0,9% ნატრიუმის ქლორიდის ხსნარში).
მძიმე ნეკროზული პანკრეატიტის დროს - ინტრავენურად წვეთოვნად დოზით 800 მგ გაყოფილი ორჯერად შეყვანაზე პირველ დღეს, შემდგომ - 200-500 მგ 2-ჯერ დღეში სადღეღამისო დოზის თანდათან შემცირებით.
უკიდურესად მძიმე ფორმის ნეკროზული პანკრეატიტის დროს - საწყისი დოზა შეადგენს 800 მგ დღეში პანკრეატოგენული შოკის გამოვლინების მდგრად მოხსნამდე, სტაბილური მდგომარეობისას - 300-500 მგ 2-ჯერ დღეში ინტრავენურად წვეთოვნად (0,9% ნატრიუმის ქლორიდის ხსნარში), სადღეღამისო დოზის თანდათან შემცირებით.
ღია კუთხოვანი გლაუკომის ხვადასხვა სტადიის დროს კომპლექსური თერაპიის შემადგენლობაში - ინტრამუსკულარულად 100-300 მგ 1-3-ჯერ დღეში 14 დღის განმავლობაში.
უკუჩვენებები
- ჰიპერმგრძნობელობა;
- ღვიძლის და/ან თირკმლის მწვავე უკმარისობა;
- ბავშვთა და მოზარდთა ასაკი 18 წლამდე;
- ორსულობა;
- ლაქტაციის პერიოდი.
გვერდითი მოქმედება
საჭმლის მომნელებელი სისტემის მხრივ: გულისრევა, პირში სიმშრალე.
სხვა: ალერგიული რეაქციები, ძილიანობა, ჩაძინების პროცესის დარღვევა, თავის ტკივილი. არტერიული წნევის მომატება ან დაქვეითება.
განსაკუთრებული მითითებები
ერთეულ შემთხვევებში, განსაკუთრებით ბრონქული ასთმის მიმართ წინასწარ განწყობილ პაციენტებში, სულფიტების მიმართ მომატებული მგრძნობელობისას, შესაძლებელია ჰიპერმგრძნობელობის მძიმე რეაქციების განვითარება.
მაღალი არტერიული წნევის 180/100 მმვწყსვ. და მეტი, არტერიული ჰიპერტენზიის კრიზული მიმდინარეობისა და გამოხატული აფექტური არამდგრადობის მქონე პაციენტებს, თერაპიის პროცესში, ესაჭიროებათ არტერიული წნევის მუდმივი კონტროლი.
ზემოქმედება ავტომობილის და სხვა მექანიზმების მართვის უნარზე
მკურნალობის პერიოდში აუცილებელია სიფრთხილის დაცვა ავტოტრანსპორტის მართვისა და სხვა პოტენციურად საშიში საქმიანობის შესრულებისაგან, რომლებიც მოითხოვენ ყურადღების მომატებულ კონცენტრაციას და ფსიქომოტორული რეაქციების სისწრაფეს.
გამოყენება ორსულობისა და ლაქტაციის პერიოდში
არ არსებობს მონაცემები პრეპარატის გამოყენების შესახებ ორსულობისა და ლაქტაციის პერიოდში.
ურთიერთქმედება სხვა სამკურნალო საშუალებებთან
აძლიერებს ბენზოდიაზეპინური ანქსიოლიტიკების, ანტიეპილეფსიური (კარბამაზეპინი), ანტიპარკინსონული (ლევოდოფა) სამკურნალო საშუალებების, ნიტრატების მოქმედებას.
ამცირებს ეთილის სპირტის ტოქსიკურ ეფექტებს.
ჭარბი დოზირება
სიმპტომები: ძილის დარღვევა (უძილობა, ზოგიერთ შემთხვევებში - ძილიანობა); არტერიული წნევის უმნიშვნელო და ხანმოკლე (1,5-2 საათამდე) მომატება.
მკურნალობა: როგორც წესი, არ საჭიროებს - სიმპტომები ერთი დღე-ღამის განმავლობაში თავისთავად ქრება. უძილობის მძიმე შემთხვევებში - ნიტრაზეპამი 10 მგ, ოქსაზეპამი 10 მგ ან დიაზეპამი 5 მგ.
არტერიული წნევის მეტისმეტად მომატების შემთხვევაში - ჰიპოტენზიური სამკურნალო საშუალებები, არტერიული წნევის კონტროლით და/ან ნიტროპრეპარატების დამატებით.
გამოშვების ფორმა
ხსნარი ინტრავენური და ინტრამუსკულარული გამოყენებისთვის.
2 მლ 5 მინის, უფერო ამპულა კონტურულ-უჯრედოვან შეფუთვაში.
2 კონტურულ-უჯრედოვანი შეფუთვა გამოყენების ინსტრუქციასთან ერთად მუყაოს კოლოფში.
შენახვის პირობები
ინახება არა უმეტეს 25ºС ტემპერატურაზე.
ინახება ბავშვებისთვის მიუწვდომელ ადგილას!
ვარგისიანობის ვადა
3 წელი წარმოების თარიღიდან.
ნუ გამოიყენებთ ვარგისიანობის ვადის ამოწურვის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი II - გამოიყენება ექიმის დანიშნულებით.
მწარმოებელი
რეგისტრაციის სერტიფიკატის მფლობელია კომპანია
“დრ სერტუს ილაჩ სანაი ვე ტიდჟარეტ ლიმიტედ შირკეტი”, თურქეთი
(“DR SERTUS İLAÇ SANAYİ VE TİCARET LİMİTED ŞİRKETİ”, TURKEY).
კ.ო. “რომფარმ კომპანი ს.რ.ლ..”-ის მიერ, ოტოპენი, ეროილორის ქ. 1А, რუმინეთი
(S.C. “Rompharm Company S.R.L.”, Otopeni, Eroilor street 1A, Romania).
