ტილტოფი
TILTOFF
სავაჭრო დასახელება
ტილტოფი, Tiltoff
საერთაშორისო არაპატენტირებული დასახელება
უმიფენოვირი, Umifenovir
წამლის ფორმა
კაფსულები.
აღწერა: მყარი ჟელატინის კაფსულები, ზომა 2, პრიალა, ღია ვარდისფერი კორპუსი და მუქი ვარდისფერი თავი მოყავისფრო ელფერით, შეიცავს თეთრი ან ღია მოყვითალო ფერის გრანულებს.
შემადგენლობა
კაფსულა შეიცავს
აქტიური ნივთიერება: ეთილის ეთერი 6-ბრომ-5-ჰიდროქსი-1-მეთილ-4-დიმეთილამინომეთილ-2-ფენილთიომეთილინდოლ-3-ნახშირმჟავას ჰიდროქლორიდი 100 მგ.
დამხმარე ნივთიერებები: სახამებელი ნაწილობრივ პრეჟელატინიზებული, პოვიდონი K30, სილიციუმის უწყლო კოლოიდური დიოქსიდი, კალციუმის სტეარატი, მიკროკრისტალური ცელულოზა.
კაფსულის გარსის შემადგენლობა: ტიტანის დიოქსიდი, რკინის წითელი ოქსიდი, ჟელატინი.
პრეპარატის ათქ კოდი: L03AX
ფარმაკოთერაპიული ჯგუფი
ანტივირუსული და იმუნომასტიმულირებელი საშუალება.
ფარმაკოლოგიური თვისებები
ფარმაკოდინამიკა
ტილტოფი – ანტივირუსული საშუალება, ხასიათდება იმუნომოდულაციური და ანტიგრიპოზული ეფექტით. ის სპეციფიკურად თრგუნავს A და B გრიპის ვირუსებს, კორონავირუსს, მასთან ასოცირებული მძიმე მწვავე რესპირატორული სინდრომის დროს. ანტივირუსული მოქმედების მექანიზმით მიეკუთვნება შერწყმის (ფუზიის) ინჰიბიტორებს, ურთიერთქმედებს გრიპის ვირუსის ჰემაგლუტინინთან და აფერხებს ვირუსის ლიპიდური გარსისა და უჯრედოვანი მემბრანების შერწყმას. გააჩნია ინტერფერონ-მაინდუცირებელი აქტივობა, ასტიმულირებს იმუნიტეტის ჰუმორალურ და უჯრედოვან რეაქციებს, მაკროფაგების ფაგოციტურ ფუნქციას, ზრდის ორგანიზმის მდგრადობას ვირუსული ინფექციებისადმი. ამცირებს ვირუსულ ინფექციებთან დაკავშირებული გართულებების განვითარებისა და ქრონიკული ბაქტერიული დაავადებების გამწვავების სიხშირეს.
ვირუსული ინფექციების დროს თერაპიული ეფექტურობა ვლინდება ზოგადი ინტოქსიკაციის, კლინიკური მოვლენების გამოხატულებისა და ავადობის ხანგრძლივობის შემცირებით.
მიეკუთვნება ნაკლებტოქსიურ პრეპარატებს (LD50>4გ/კგ). რეკომენდებულ დოზებში პერორალური მიღებისას არ ახდენს რაიმე სახის უარყოფით გავლენას ადამიანის ორგანიზმზე.
ფარმაკოკინეტიკა
ორალურად მიღების შემდეგ სწრაფად აბსორბირდება კუჭ-ნაწლავის ტრაქტიდან და ნაწილდება ორგანოებსა და ქსოვილებში. მაქსიმალური კონცენტრაცია სისხლის პლაზმაში, 100 მგ დოზის მიღების შემთხვევაში, შეადგენს 1.5 სთ-ს. მეტაბოლიზდება ღვიძლში. ნახევარგამოყოფის პერიოდი შეადგენს 17-21 საათს. დაახლოებით 40% გამოიყოფა უცვლელი სახით, ძირითადად ნაღველთან ერთად (38.9%), და უმნიშვნელო რაოდენობა – თირკმელებით (0.12%). პირველი დღეების განმავლობაში გამოიყოფა მიღებული დოზის 90%.
გამოყენების ჩვენებები
პროფილაქტიკა და მკურნალობა მოზრდილებსა და ბავშვებში:
- A და B გრიპის, მწვავე რესპირატორული ვირუსული ინფექციების, მძიმე მწვავე რესპირატორული სინდრომის (მათ შორის ბრონქიტით, პნევმონიით გართულებული);
- მეორადი იმუნოდეფიციტური მდგომარეობები;
- ქრონიკული ბრონქიტის, პნევმონიისა და მორეციდივე ჰერპესული ინფექციების კომპლექსური თერაპია;
პოსტოპერაციული ინფექციური გართულებების პროფილაქტიკა და იმუნური სტატუსის ნორმალიზაცია.
როტავირუსული ეტიოლოგიის მწვავე ნაწლავური ინფექციების კომპლექსური თერაპია 6 წლის ზემოთ ასაკის ბავშვებში.
გამოყენების წესი და დოზირება
ტილტოფი მიიღება პერორალურად, საკვების მიღებამდე.
არასპეციფიური პროფილაქტიკისთვის:
გრიპის, მწვავე რესპირატორულ-ვირუსული ინფექციების (ავადმყოფთან უშუალო კონტაქტისას) და მძიმე მწვავე რესპირატორული სინდრომის პროფილაქტიკისათვის
მოზრდილებსა და ბავშვებში 12 წლის ზემოთ პრეპარატი ინიშნება დოზით 200მგ/დღეში, 6-დან 12 წლამდე ასაკის ბავშვებში – 100მგ/დღეში. მკურნალობის კურსის ხანგრძლივობა შეადგენს 10-14 დღეს.
გრიპის ეპიდემიის, მწვავე რესპირატორულ-ვირუსული ინფექციებით ავადობის სეზონური ზრდის პერიოდში, ქრონიკული ბრონქიტის გამწვავებისა და ჰერპესული ინფექციების რეციდივის განვითარების პროფილაქტიკისათვის: მოზრდილებსა და ბავშვებში 12 წლის ზემოთ პრეპარატი ინიშნება ერთჯერადი დოზით 200მგ, 6-დან 12 წლამდე ასაკის ბავშვებში – 100მგ. პრეპარატი მიიღება კვირაში 2-ჯერ 3 კვირის განმავლობაში.
მძიმე მწვავე რესპირატორული სინდრომის პროფილაქტიკისთვის (ავადმყოფთან კონტაქტისას):
მოზრდილებსა და ბავშვებში 12 წლის ზემოთ პრეპარატი ინიშნება დოზით 200 მგ ერჯერ დღეში, 6-დან 12 წლამდე ასაკის ბავშვებში – 100 მგ ერთჯერ დღეში. პრეპარატი მიიღება 12-14 დღის განმავლობაში.
პოსტოპერაციული ინფექციური გართულებების პროფილაქტიკისათვის პრეპარატი ინიშნება ოპერაციამდე 2 საათით ადრე, შემდეგ ოპერაციიდან მეორე და მეხუთე დღეს შემდეგი დოზებით: მოზრდილებსა და ბავშვებში 12 წლის ზემოთ - 200 მგ, 6-დან 12 წლამდე ასაკის ბავშვებში – 100 მგ.
მკურნალობისთვის:
გაურთულებელი გრიპისა და მძიმე მწვავე რესპირატორულ სინდრომის სამკურნალოდ მოზრდილებსა და ბავშვებში 12 წლის ზემოთ პრეპარატი ინიშნება ერთჯერადი დოზით 200 მგ დღეში 4-ჯერ (ყოველ 6 საათში), 6-დან 12 წლამდე ასაკის ბავშვებში – 100 მგ დღეში 4-ჯერ (ყოველ 6 საათში). მკურნალობის კურსი შეადგენს 5 დღეს.
გართულებული გრიპისა და მძიმე მწვავე რესპირატორულ სინდრომის (მათ შორის პნევმონიის, ბრონქიტის) სამკურნალოდ მოზრდილებსა და ბავშვებში 12 წლის ზემოთ პრეპარატი ინიშნება კომპლექსური თერაპიის შემადგენლობაში ერთჯერადი დოზით 200მგ, 6-დან 12 წლამდე ასაკის ბავშვებში – 100მგ. პრეპარატი გამოიყენება დღეში 4-ჯერ 5 დღის განმავლობაში, შემდეგ მიიღება ერთჯერადი დოზა – კვირაში 1-ჯერ 4 კვირის განმავლობაში.
მძიმე მწვავე რესპირატორულ სინდრომის სამკურნალოდ მოზრდილებსა და ბავშვებში 12 წლის ზემოთ ინიშნება 200 მგ დღეში 2-ჯერ (ყოველ 12 საათში) 8-10 დღის განმავლობაში.
ქრონიკული ბრონქიტისა და მორეციდივე ჰერპესული ინფექციების კომპლექსური თერაპიის მიზნით პრეპარატი მოზრდილებსა და ბავშვებში 12 წლის ზემოთ ინიშნება დოზით 200 მგ, 6-დან 12 წლამდე ასაკის ბავშვებში – 100 მგ. პრეპარატი მიიღება დღეში 4-ჯერ (ყოველ 6 საათში) 5-7 დღის განმავლობაში, შემდეგ კი – ერთჯერადი დოზა – კვირაში 2-ჯერ 4 კვირის განმავლობაში.
როტავირუსული ეტიოლოგიის მწვავე ნაწლავური ინფექციების კომპლექსური თერაპიის შემადგენლობაში ინიშნება 4-ჯერ დღეში (ყოველ 6 საათში) 5 დღის განმავლობაში შემდეგი დოზებით: 12 წლის ზემოთ ბავშვებში – 200 მგ, 6-დან 12 წლამდე ასაკის ბავშვებში – 100 მგ.
უკუჩვენება
- ჰიპერმგრძნობელობა პრეპარატის შემადგენლობაში შემავალი კომპონენტებისადმი;
- 6 წლამდე ასაკი.
გვერდითი მოქმედება
იშვიათად: ალერგიული რეაქციები
ზემოქმედება ავტომობილებისა და სხვა მექანიზმების მართვის უნარზე
არ ავლენს ცენტრალურ ნეიროტროპულ აქტივობას და შეიძლება გამოყენებულ იქნას სამედიცინო პრაქტიკაში პროფილაქტიკური მიზნებისათვის სხვადასხვა პროფესიის პრაქტიკულად ჯანმრთელ პირებში, მათ შორის ისეთი პროფესიის მქონე ადამიანებში, რომელიც მოითხოვს მომატებულ ყურადღებასა და მოძრაობის კოორდინაციას (მძღოლები, ოპერატორები და სხვ.).
გამოყენება ორსულობისა და ლაქტაციის პერიოდში
მონაცემები პრეპარატის ორსულობისა და ლაქტაციის პერიოდში გამოყენების შესახებ არ არსებობს.
ურთიერთქმედება სხვა სამკურნალო საშუალებებთან
სხვა სამკურნალო საშუალებებთან ერთად დანიშვნისას უარყოფითი ეფექტი არ გამოვლენილა.
ჰიპერდოზირება
არ აღინიშნება.
გამოშვების ფორმა
მყარი ჟელატინის კაფსულები. 10 კაფსულა ბლისტერში.
1 ან 3 ბლისტერი ფურცელ-ჩანართთან ერთად მუყაოს კოლოფში.
შენახვის პირობები
ინახება ბავშვებისათვის მიუწვდომელ ადგილას, არა უმეტეს 250ჩ ტემპერატურაზე.
ვარგისიანობის ვადა
2 წელი წარმოების თარიღიდან.
არ გამოიყენება ვარგისიანობის ვადის გასვლის შემდეგ.
აფთიაქიდან გაცემის წესი
ფარმაცევტული პროდუქტის ჯგუფი III, გაიცემა ურეცეპტოდ.
მწარმოებელი
სავაჭრო ნიშნისა და რეგისტრაციის მოწმობის მფლობელია კომპანია
“როტაფარმი”, დიდი ბრიტანეთი
(ROTAPHARM, GREAT BRITAIN).
დამზადებულია
კ.ო. “რომფარმ კომპანი ს.რ.ლ.”-ის მიერ, ოტოპენი, ეროილორის ქ. 1ა, რუმინეთი
(S.C. “Rompharm Company S.R.L.”, Otopeni, Eroilor street 1A, Romania).
