ვებ გვერდი: http://www.rotapharm.co.uk/

რონოციტი
RONOCIT

სავაჭრო სახელწოდება
რონოციტი, Ronocit

საერთაშორისო არაპატენტირებული სახელწოდება
ციტიკოლინი, Citicoline

წამლის ფორმა
შიგნით მისაღები ხსნარი.
აღწერილობა: ღია-ვარდისფერი ერთგვაროვანი გამჭვირვალე ხსნარი.

შემადგენლობა
პრეპარატის 1 მლ შეიცავს
აქტიური ნივთიერება: ციტიკოლინი (ნატრიუმის ციტიკოლინის ფორმით) 100 მგ.
დამხმარე ნივთიერებები: სორბიტოლის არაკრისტალიზირებული ხსნარი, გლიცერინი, მეთილპარაჰიდროქსიბენზოატი, პროპილპარაჰიდროქსიბენზოატი, ნატრიუმის ციტრატის დიჰიდრატი, ნატრიუმის საქარინი, პონსო 4ღ, არომატიზატორი ,,მარწყვი’’, კალიუმის სორბატი, ლიმონმჟავას მონოჰიდრატი, გასუფთავებული წყალი.

კოდი ათქ: N06BX06
ფარმაკოთერაპიული ჯგუფი
ფსიქოსტიმულატორები, ნოოტროპული საშუალება.
ფარმაკოლოგიური თვისებები
ფარმაკოდინამიკა
ციტიკოლინი, არის რა უჯრედოვანი მემბრანის (ძირითადად ფოსფოლიპიდების) ძირითადი ულტრასტრუქტურული კომპონენტის წინამორბედი, ფლობს მოქმედების ფართო სპექტრს: ხელს უწყობს უჯრედების დაზიანებული მემბრანების აღდგენას, აინჰიბირებს ფოსფოლიპაზების მოქმედებას, ხელს უშლის თავისუფალი რადიკალების ჭარბ წარმოქმნას, ასევე მოქმედებს რა აპოპტოზის მექანიზმზე, ხელს უშლის უჯრედის სიკვდილს. ინსულტის მწვავე პერიოდში ციტიკოლინი ამცირებს თავის ტვინის დაზიანებული ქსოვილის მოცულობას, აუმჯობესებს ქოლინერგულ გადაცემას. ქალა-ტვინის ტრავმის დროს ამცირებს პოსტ-ტრავმული კომის ხანგრძლივობას და ნევროლოგიური სიმპტომების გამოხატულებას, გარდა ამისა, ხელს უწყობს აღდგენითი პერიოდის ხანგრძლივობის შემცირებას.
თავის ტვინის ქრონიკული ჰიპოქსიის დროს ციტიკოლინი ეფექტურია კოგნიტური აშლილობების სამკურნალოდ, აუმჯობესებს მდგომარეობას სენსიტიური და მოტორული აშლილობების დროს. ზრდის ყურადღების და ცნობიერების დონეს, ამცირებს ამნეზიის განვითარებას.
ციტიკოლინი ეფექტურია დეგენერაციული და სისხლძარღვოვანი ეტიოლოგიის მგრძნობიარე და მამოძრავებელი ნევროლოგიური დარღვევების მკურნალობის დროს.
ფარმაკოკინეტიკა
შეწოვა
ციტიკოლინი კარგად აბსორბირდება შიგნით მიღების შემდეგ. აბსორბცია შიგნით გამოყენებისას არის სრული, ბიოშეღწევადობა კი არის პრეპარატის ვენაში შეყვანის მსგავსი.
მეტაბოლიზმი
პრეპარატი მეტაბოლიზდება ნაწლავებში და ღვიძლში ქოლინის და ციტიდინის წარმოქმნით. მიღების შემდეგ ქოლინის კონცენტრაცია სისხლის შრატში მნიშვნელოვნად იზრდება.
გადანაწილება
ციტიკოლინი მნიშვნელოვანი ხარისხით ნაწილდება თავის ტვინის სტრუქტურებში, ქოლინის ფრაქციის სწრაფი ჩანერგვით ფოსფოლიპიდების სტრუქტურაში და ციტიდინის სტრუქტურაში – ციტიდინურ ნუკლეოტიდებში და ნუკლეინურ მჟავაში. ციტიკოლინი აღწევს თავის ტვინში და აქტიურად ჯდება უჯრედულ, ციტოპლაზმურ და მიტოქონდრიულ მემბრანებში, წარმოქმნის სტრუქტურული ფოსფოლიპიდების ფრაქციის ნაწილს.
გამოყოფა
ციტიკოლინის შეყვანილი დოზის მხოლოდ 15% გამოიყოფა ადამიანის ორგანიზმიდან: 3%-ზე ნაკლები – თირკმელებით და ნაწლავებით და მხოლოდ 12% ამოსუნთქული ნახშირჟანგით. პრეპარატის გამოყოფას შარდით აქვს ორი ფაზა: პირველი ფაზა, გრძელდება დაახლოებით 36 საათი, რომლის დროსაც გამოყოფის სიჩქარე სწრაფად მცირდება, და მეორე ფაზა, რომლის დროსაც ექსკრეციის სისწრაფე მცირდება უფრო ნელა. იგივე პროცესი ვლინდება ნახშირჟანგით ამოსუნთქვისას – გამოყოფის სიჩქარე სწრაფად მცირდება დაახლოებით 15 საათის შემდეგ, რომელსაც მოსდევს ნელი გამოყოფის ფაზა.
გამოყენების ჩვენება
-იშემიური ინსულტის მწვავე პერიოდი (კომპლექსური თერაპიის შემადგენლობაში);
-აღდგენითი პერიოდი იშემიური და ჰემორაგიული ინსულტის შემდეგ;
-ქალა-ტვინის ტრავმები, მწვავე (კომპლექსური თერაპიის შემადგენლობაში) და აღდგენითი პერიოდი;
-კოგნიტური და ქცევითი დარღვევები, რაც გამოწვეულია დეგენერაციული და სისხლძარღვოვანი წარმოშობის ცერებრალური პათოლოგიით.
გამოყენების წესი და დოზები
რონოციტი არის შიგნით მისაღები ხსნარი. გამოყენებამდე შესაძლებელია პრეპარატის განზავება წყლის მცირე რაოდენობით (120 მლ ან 1/2 ჭიქა). პრეპარატი მიიღება კვების დროს ან კვების მიღებებს შორის შუალედში.
დოზირების რეკომენდებული რეჟიმიL
იშემიური ინსულტის მწვავე პერიოდი ან ქალა-ტვინის ტრავმა: 1000 მგ (10 მლ) ყოველ 12 საათში. მკურნალობის ხანგრძლივობა შეადგენს არანაკლებ 6 კვირას.
აღდგენითი პერიოდი იშემიური და ჰემორაგიული ინსულტის, ქალა-ტვინის ტრავმების შემდეგ, კოგნიტური და ქცევითი დარღვევები, თავის ტვინის დეგენერაციული და სისხლძარღვოვანი დაავადებების დროს: 500-2000 მგ დღეში (5-10 მლ 1-2-ჯერ დღეში). დოზირება და მკურნალობის ხანგრძლივობა დამოკიდებულია დაავადების სიმპტომების სიმძიმეზე.
ბავშვები: 100 მგ (პრეპარატის 1 მლ) 2-3-ჯერ დღეში.
პედიატრიულ პრაქტიკაში პრეპარატი გამოიყენება ექიმის მკაცრი მეთვალყურეობით.
ხანდაზმული ასაკის პირებში პრეპარატის დანიშვნისას დოზის კორექცია საჭირო არ არის.
უკუჩვენება
-ჰიპერმგრძნობელობა პრეპარატის ნებისმიერი კომპონენტის მიმართ;
-პაციენტები გამოხატული ვაგოტონიით (ვეგეტატური ნერვული სისტემის პარასიმპათიკული ნაწილის ტონუსის სიჭარბე);
-ფრუქტოზის არასაკმარისი ფერმენტული დაშლა (მალაბსორბციის სინდრომი), პრეპარატის შემადგენლობაში სორბიტოლის არსებობის გამო.
გვერდითი მოქმედება
ძალიან ხშირი (<1/10000) (იდივიდუალური შემთხვევების ჩათვლით): ალერგიული რეაქციები (გამონაყარი, კანის ქავილი, ანაფილაქსიური შოკი), თავის ტკივილი, თავბრუსხვევა, ცხელების შეგრძნება, ტრემორი, გულისრევა, ღებინება, დიარეა, ჰალუცინაციები, შეშუპება, ქოშინი, უძილობა, აღგზნებადობა, უმადობა, დაბუჟება პარალიზებულ კიდურებში, ღვიძლის ფერმენტების აქტივობის შეცვლა.
ზოგიერთ შემთხვევებში პრეპარატმა შესაძლებელია გამოიწვიოს პარასიმპათიკული სისტემის სტიმულირება, ასევე იწვევდეს არტერიული წნევის ხანმოკლე ცვლილებას.
განსაკუთრებული მითითებები
სიცივეში შესაძლებელია განვითარდეს კრისტალების უმნიშვნელო რაოდენობა კონსერვანტის დროებით ნაწილობრივი კრისტალიზაციის შედეგად. რეკომენდებულ პირობებში შემდგომი შენახვისას კრისტალები იხსნება რამდენიმე თვის განმავლობაში. კრისტალების არსებობა არ მოქმედებს პრეპარატის ხარისხზე.
ზემოქმედება ავტოსატრანსპორტო საშუალებების და მექანიზმების მართვის უნარზე
ციტიკოლინი არ მოქმედებს ავტოსატრანსპორტო საშუალებების და მექანიზმების მართვის უნარზე.
გამოყენება ორსულობის და ლაქტაციის პერიოდში
საკმარისი მონაცემები ორსულ ქალებში ციტიკოლინის გამოყენებასთან დაკავშირებით არ არის. მიუხედავად იმისა, რომ ცხოველებში ჩატარებულ კვლევებში უარყოფითი ზემოქმედება არ გამოვლენილა, ორსულობის პერიოდში პრეპარატი რონოციტი ინიშნება მხოლოდ მაშინ, როცა მოსალოდნელი სარგებელი დედისთვის აღემატება პოტენციურ რისკს ნაყოფისათვის.
ლაქტაციის პერიოდში პრეპარატის დანიშვნისას საჭიროა ბუნებრივი კვების შეწყვეტა, რადგანაც ციტიკოლინის დედის რძეში გამოყოფასთან დაკავშირებული მონაცემები არ არის.
გამოყენება პედიატრიაში
ბავშვებში პრეპარატი გამოიყენება ექიმის მეთვალყურეობით.
ურთიერთზემოქმედება სხვა სამკურნალო საშუალებებთან
ციტიკოლინი აძლიერებს ლევოდოპის ეფექტებს.
არ უნდა მოხდეს პრეპარატის გამოყენება მეკლოფენოქსატის შემცველ საშუალებებთან ერთად.
ჭარბი დოზა
პრეპარატის დაბალ ტოქსიკურობასთან დაკავშირებით ჭარბი დოზის შემთხვევები არ არის აღწერილი, თერაპიული დოზების გადაჭარბების შემთხვევაშიც.
გამოშვების ფორმა და შეფუთვა
შიგნით მისაღები ხსნარი 10 მლ უფერო გამჭვირვალე შუშის ფლაკონში, თავდახურული მოსახრახნი პლასტიკური თავსახურით, რომელიც უზრუნველყოფს პირველი გახსნის კონტროლს.
10 ფლაკონი ფურცელ-ჩანართთან ერთად მოთავსებულია მუყაოს კოლოფში.
შენახვის პირობები
ინახება არაუმეტეს 25°С ტემპერატურაზე.
ინახება ბავშვებისათვის მიუწვდომელ ადგილას!
ვარგისიანობის ვადა
წარმოებიდან 3 წელი.
არ გამოიყენება ვარგისიანობის ვადის გასვლის შემდეგ.
აფთიაქიდან გაცემის წესი
ფარმაცევტული პროდუქტის ჯგუფი II – გაიცემა ფორმა #3 რეცეპტით.
მწარმოებელი
სავაჭრო ნიშნის და რეგისტრაციის სერტიფიკატის მფლობელი არის კომპანია
,,როტაფარმ ილაჩლარი ლიმიტედ შირკეტი’’, თურქეთი 

("ROTAPHARM İLAÇLARlLİMİTED ŞİRKETİ", TURKEY)

წარმოებულია
,,ვორლდ მედიცინ ილაჩ სან. ვე ტიჯ ა.შ.’’, თურქეთი 
(ბაგჯილარ ილჩესი, გიუნეშლი, ევრენ მახალესი, ჯამი იოლუ ჯად. #50 კ. 1В ზემინ 4-5-6, სტამბული)

 “World Medicine İlaç San.ve Tic. А.Ş.”, Turkey

(Bağcılarİlçesi, Güneşli, EvrenMahallesi, CamiYolu Cad. No: 50 K. 1B Zemin 4-5-6, İstanbul).