სტარტუმი
STARTUM
სავაჭრო დასახელება
სტარტუმი, STARTUM
საერთაშორისო არაპატენტირებული დასახელება
_
წამლის ფორმა
ლიოფილიზებული ფხვნილი საინექციო ხსნარის მოსამზადებლად.
აღწერილობა: ვარდისფერი ლიოფილიზებული ფხვნილი.
გამხსნელი: გამჭვირვალე, უფერი ხსნარი.
შემადგენლობა
პრეპარატის 1 ფლაკონი შეიცავს:
აქტიური ნივთიერებები:
კოკარბოქსილაზას ქლორიდი 50 მგ
ნიკოტინამიდი 20 მგ
დინატრიუმის ადენოზინტრიფოსფატის ტრიჰიდრატი 10 მგ
ციანო¬კობალამინი 0,5 მგ
დამხმარე ნივთიერებები: გლიცინი, მეთილპარაჰიდროქსიბენზოატი, პროპილპარაჰიდროქსიბენზოატი.
გამხსნელი: 0,5% ლიდოკაინის ჰიდროქლორიდის ხსნარი 2 მლ.
პრეპარატის ათქ კოდი: А11AB
ფარმაკოთერაპიული ჯგუფი:
ვიტამინები. პოლივიტამინები სხვა სამკურნალო საშუალებებთან კომბინაციაში.
ფარმაკოლოგიური თვისებები
ფარმაკოდინამიკა
პრეპარატი წარმოადგენს ვიტამინებისა და მეტაბოლური ნივთიერებების რაციონალურად შერჩეულ კომპლექსს.
კოკარბოქსილაზა - კოფერმენტი, რომელიც ორგანიზმში წარმოიქმნება თიამინისგან (ვიტამინი B1). მნიშვნელოვან როლს თამაშობს ნახშირწყლოვან ცვლაში, შედის ფერმენტ კარბოქსილაზას შემადგენლობაში, რომელიც -კეტომჟავების კარბოქსილირებასა და დეკარბოქსილირებას აკატალიზებს. მეორადად ხელს უწყობს ნუკლეინის მჟავების, ცილებისა და ლიპიდების სინთეზს. ორგანიზმში ამცირებს რძემჟავის და პიროყურძენმჟავის დონეს, ხელს უწყობს გლუკოზის ათვისებას. აუმჯობესებს ნერვული ქსოვილის ტროფიკას.
ნიკოტინამიდი - ვიტამინ РР-ს ერთ-ერთი ფორმა, მონაწილეობს უჯრედში მიმდინარე ჟანგვა-აღდგენით პროცესებში, აუმჯობესებს ნახშირწყლოვან და აზოტოვან ცვლას.
ადენოზინტრიფოსფატის დინატრიუმის ტრიჰიდრატი ადენოზინის წარმოებულია, ასტიმულირებს მეტაბოლურ პროცესებს. ფლობს ჰიპოტენზიურ და ანტიარითმულ მოქმედებას. გააჩნია სისხლძარღვთა გამაფართოებელი მოქმედება, მათ შორის კორონარული არტერიებისაც.
ციანოკობალამინი (ვიტამინი B12) ორგანიზმში გარდაიქმნება აქტიურ ფორმად (ადენოზილკობალამინად ან კობამიდად), რომელსაც გააჩნია მაღალი ბიოლოგიური აქტივობა. ზრდის ორგანიზმში ცილის სინთეზს და ხელს უწყობს მის დაგროვებას. აქტივაციას უკეთებს ნახშირწყლების და ლიპიდების ცვლას. ამცირებს სისხლში ქოლესტერინის დონეს, აფერხებს ღვიძლის ცხიმოვან ინფილტრაციას. აუცილებელია სისხლმბადი ორგანოების ნორმალური ფუნქციონირებისათვის, ხელს უწყობს ერითროციტებში სულფჰიდრული ჯგუფების შემცველი ნაერთების დაგროვებას, რითაც ზრდის მათ მდგრადობას ჰემოლიზისადმი. ამაღლებს ქსოვილების რეგენერაციის უნარს. ვიტამინი B12 ავლენს დადებით ეფექტს ღვიძლის და ნერვული სისტემის ფუნქციაზე.
ფარმაკოკინეტიკა
კოკარბოქსილაზა
კოკარბოქსილაზა სწრაფად შეიწოვება კუნთში შეყვანის შემდეგ. აღწევს ორგანიზმის უმეტეს ქსოვილებში. ექვემდებარება მეტაბოლურ დაშლას. მეტაბოლიზმის პროდუქტები გამოიყოფა უმეტესად თირკმლებით.
ნიკოტინამიდი
აბსორბცია კუჭ-ნაწლავის ტრაქტიდან (უმეტესად კუჭის პილორული ნაწილიდან და თორმეტგოჯა ნაწლავის ანტრალური ნაწილიდან) სწრაფია, მნიშვნელოვნად მცირდება და ნელდება მალაბსორბციის სინდრომის დროს. სწრაფად ნაწილდება ყველა ქსოვილში. აღწევს პლაცენტარულ ბარიერში და დედის რძეში.
მეტაბოლიზდება ღვიძლში N-მეთილნიკოტინამიდად, მეთილპირიდონკარბოქსამიდად გლუკურონის მჟავად და კომპლექსურ ნაერთში გლიცინთან ერთად. ნახევარგამოყოფის პერიოდი - 45 წუთი.
მეტაბოლიტების სახით გამოიყოფა თირკმელებით, მაღალი დოზების მიღებისას უმეტესწილად უცვლელი სახით.
ადენოზინტრიფოსფატის დინატრიუმის ტრიჰიდრატი
პარენტერალურად შეყვანილი ატფ-ის კინეტიკაზე დაკვირვება შეუძლებელია, სხვადასხვა რეაქციების დიდი რაოდენობის გამო, რომელიც მიმდონარეობს ატფ-ის მონაწილეობით. ცნობილია, რომ ნატრიუმის ადენოზინტრიფოსფატი სწრაფად იშლება შეყვანის ადგილას ადენოზინად და ფოსფატურ ნარჩენებად, რომლებიც შემდგომში გამოიყენება ახალი ატფ-ის მოლეკულის სინთეზისთვის.
ციანოკობალამინი
სისხლში ვიტამინი B12 უერთდება ტრანსკობალამინ I-ს და II-ს, რომლებიც გადაადგილებენ მას ქსოვილებში. დეპონირდება უპირატესად ღვიძლში. უერთდება პლაზმის ცილებს – 90 %. მაქსიმალური კონცენტრაცია ინტრავენური შეყვანისას მიიღწევა 2 საათის შემდეგ. ღვიძლიდან გამოიყოფა ნაღველთან ერთად ნაწლავებში და ისევ შეიწოვება სისხლში.
ნახევარგამოყოფის პერიოდი – 500 დღე. გამოიყოფა ნორმალური ფუნქციის თირკმელიდან – 7-10 % თირკმელებით, დაახლოებით 50 % ფეკალური მასებით; შენელებული ფუნქციის თირკმელიდან – 0-7% თირკმელებით, 70-100 % - ფეკალური მასებით. აღწევს პლაცენტარულ ბარიერში და დედის რძეში.
გამოყენების ჩვენებები
_ ნევრიტები, ნეიროპათიები (შაქრიანი დიაბეტისას, პერნიციოზული ანემიისას და სხვა);
_ სხვადასხვა წარმოშობის ნევრალგიები;
_ მიალგია, იშალგია;
_ ლუმბაგო, რადიკულიტი;
_ ბურსიტები, ტენდინიტები;
_ გულის იშემიური დაავადება, მიოკარდიტი, კარდიომიოპათიები;
_ ორსულთა ტოქსიკოზი, ნაყოფის ჰიპოქსია;
_ ქრონიკული დაავადებების კომპლექსური მკურნალობა.
მიღების წესი და დოზირება
სტარტუმი შეიყვანება კუნთში 1-2 ფლაკონი ერთჯერ დღეში. მკურნალობის ხანგრძლივობა და განმეორებითი კურსების ჩატარება დამოკიდებულია დაავადების სიმძიმესა და ხასიათზე.
ავადმყოფებში ღვიძლის და თირკმლის უკმარისობით დოზის კორექცია საჭირო არ არის.
65 წელზე უფროსი ასაკის პაციენტებში დოზის კორექცია საჭირო არ არის.
უკუჩვენებები
- პრეპარატის კომპონენტების მიმართ მომატებული მგრძნობელობა;
- მიოკარდიუმის ინფარქტის მწვავე პერიოდი;
- ჰიპერკოაგულაცია (მ.შ. მწვავე თრომბოზებისას), ერითერმია, ერითროციტოზი, არტერიული ჰიპერტონიის მწვავე ფორმები, არტერიული ჰიპოტინია, ფილტვების ანთებითი დაავადებები, გულის მწვავე უკმარისობა, ფსორიაზი, გამტარობის მწვავე დარღვევები, გულის მწვავე უკმარისობა.
გვერდითი მოქმედება
იმუნური სისტემის მხრივ: მომატებული მგრძნობელობის რეაქციები (რეაქციები კანის მხრივ, ანაფილაქსიურ შოკი, კვინკეს შეშუპება). პრეპარატის შეყვანის წინ, პაციენტებში პრეპარატის კომპონენტების მიმართ მომატებული მგრძნობელობით რეკომენდებულია კანქვეშა სინჯის გაკეთება.
გულსისხლძარღვთა სისტემის მხრივ: ფილტვების შეშუპება და მკურნალობის დასაწყისში გულის უკმარისობა; პერიფერიული სისხლძარღვების თრომბოზი.
სისხლწარმომქმნელი სისტემის მხრივ: ჭეშმარიტი პოლიციტემია.
კუჭ-ნაწლავის ტრაქტის მხრივ: მსუბუქი ფორმის დროებითი დიარეა.
კანის საფარველის მხრივ: ქავილი, ტრანზიტორული ეგზანთემა.
საერთო სიმპტომები: უცაბედი ოფლიანობა, სისუსტის შეგრძნება, თავბრუსხვევა.
მითითებული ან სხვა გვერდითი მოვლენების წარმოქმნის შემთხვევაში აუცილებელია ექიმთან მიმართვა.
განსაკუთრებული მითითებები
მომზადებული ხსნარის ფერი უნდა იყოს წითელ-ვარდისფერი.
ხსნარი არ გამოიყენება, თუკი შეიცვლება მომზადებული ხსნარის ფერი.
სტარტუმი სიფრთხილით გამოიყენება პაციენტებში, რომელთაც ანამნეზში აქვთ პირობები წყლულოვან დაავადებაზე, გასტრიტზე, პოდაგრაზე, სისხლდენებზე, ღვიძლის და ნაღველგამომყოფი გზების დაზიანებებზე.
პრეპარატის ხანგრძლივი გამოყენებისას აუცილებელია სისხლის საერთო ანალიზში ერითროციტების რაოდენობის, შედედების დროს, კოაგულოგრამაში პროთრომბინული ინდექსის, ტრანსამინაზის დონის, ტუტე ფოსფატაზას, გამა-გლუტამილტრანსპეპდიზას, ბილირუბინის, სისხლის შრატში შარდმჟავას, სისხლში თრომბოციტების კონტროლი.
ხსნარი უნდა გამოყენებულ უნდა იქნას მომზადებისთანავე.
ურთიერთქმედება სხვა სამკურნალო საშუალებებთან
კოკარბოქსილაზა აძლიერებს საგულე გლიკოზიდების კარდიოტონულ მოქმედებას.
ნიკოტინამიდის ერთდროული გამოყენებისას ანტიეპილეფსიურ საშუალებებთან, განსაკუთრებით კარბამაზაპინი, დიაზეპამი და ნატრიუმის ვალპროატი, შესაძლებელია მათი კრუნჩხვისსაწინააღმდეგო ეფექტის პოტენცირება.
ჭარბი დოზირება
ნიკოტინამიდის ხანგრძლივი გამოყენებისასშეიძლება განვითარდეს მეთილენის ჯგუფის დეფიციტი გამოყოფისას მეთილირების რეაქციაში მონაწილეობის ფონზე.
აღწერილია კლინიკური შემთხვევები ღვიძლის ფუნქციის დარღვევები ნიკოტინამიდის მაღალი დოზების (3000-9000 მგ = 150-450 პრეპარატ სტრარტუმის ფლაკონი) ხანგრძლივი გამოყენებისას.
მკურნალობა: სიმპტომური
შიგნით მიღებისას ან ინტრავენური შეყვანისას შესაძლებელია ტოქსიურობის გამოვლინება.
გამოშვების ფორმა
საინექციო ხსნარის მოსამზადებელი ლიოფილიზებული ფხვნილი მუქი მინის ფლაკონში, რომელიც მოხუფულია ბრომბუთილკაუჩუკის საცობით და კომბინირებული ალუმინის Fლიპ ოფფ ტიპის თავსახურით.
3 ფლაკონი ლიოფილიზებული ფხვნილით გამხსნელთან კომპლექტში (3 ამპულა 0,5% ლიდოკაინის ჰიდროქლორიდის ხსნარი 2 მლ) კონტურულ უჯრედოვან შეფუთვაში.
კონტურული უჯრედული შეფუთვა დანართ-ფურცელთან ერთად მოთავსებულია მუყაოს კოლოფში.
შენახვის პირობები
პრეპარატი ინახება სინათლისაგან დაცულ ადგილას არაუმეტეს 25ჩ ტემპერატურაზე.
ინახება ბავშვებისათვის მიუწვდომელ ადგილას!
ვარგისიანობის ვადა
3 წელი წარმოების თარიღიდან.
ვარგისიანობის ვადის ამოწურვის შემდეგ გამოყენება არ შეიძლება.
აფთიაქიდან გაცემის პირობა
ექიმის რეცეპტით.
მწარმოებელი
სავაჭრო მარკის და რეგისტრაციის სერთიფიკატის მფოლობელია კომპანია
“დრ სერტუს ილაჩ სანაიი ვე ტიჯარეტ ლიმიტედ შირკეტი”, თურქეთი
(
“DR SERTUS İLAÇ SANAYİ VE TİCARET LİMİTED ŞİRKETİ”, TURKEY).
დამზადებულია
“მეფარ ილაჩ სანაი ა.შ.”-ს მიერ, თურქეთი
(რამაზანოლუ მახ. ენსარ ჯად. №: 20, 34906 კურტკეი-პენდიკ/სტამბოლი)A
“Mefar İlaç Sanayii A.Ş.”, Turkey
(Ramazanoğlu Mah. Ensar Cad. No: 20, 34906 Kurtköy-Pendik/İstanbul).
