ვებ გვერდი: http://www.drsertus.com/

სერტოზინი

 

სავაჭრო დასახელება
სერტოზინი, Sertozin

 

საერთაშორისო არაპატენტირებული დასახელება
ციტიკოლინი,  Citicoline

 

სამკურნალწამლო ფორმა
საინექციო ხსნარი.
აღწერილობა: გამჭვირვალე, უფერო ან მოყვითალო-ყავისფერი ფერის ხსნარი.

 

შემადგენლობა
პრეპარატის 1 ამპულა შეიცავს:
აქტიური ნივთიერება: ციტიკოლინი (ნატრიუმის მარილის სახით) 500 მგ ან 1000 მგ.
დამხმარე ნივთიერება: ნატრიუმის ჰიდროქსიდი, მარილმჟავა, საინექციო წყალი.    

 

პრეპარატის ათქ კოდი  N06BX06

 

ფარმაკოთერაპიული ჯგუფი
ფსიქოსტიმულატორები და ნოოტროპული პრეპარატები.

 

ფარმაკოლოგიური თვისებები
ფარმაკოდინამიკა
ციტიკოლინი, წარმოადგენს რა უჯრედული მემბრანის ძირითადი ულტრასტრუქტურული კომპონენტების (განსაკუთრებით ფოსფოლიპიდების) წინამორბედს, ხასიათდება მოქმედების ფართო სპექტრით - ხელს უწყობს უჯრედის დაზიანებული მემბრანის აღდგენას, აინჰიბირებს ფოსფოლიპაზებს, ხელს უშლის თავისუფალი რადიკალების ზედმეტი რაოდენობით წარმოქმნას, ასევე, მოქმედებს რა აპოპტოზის მექნიზმებზე, ხელს უშლის უჯრედის სიკვდილს. ინსულტის მწვავე პერიოდში ამცირებს დაზიანებული ქსოვილის მოცულობას, აუმჯობესებს ქოლინერგულ გადაცემას. თავ-ზურგტვინის ტრავმის დროს ამცირებს პოსტტრავმული კომის ხანგრძლივობას და ნევროლოგიური სიმპტომების გამოხატულებას.
ციტიკოლინი აუმჯობესებს ჰიპოქსიის დროს არსებული სიმპტომების მიმდინარეობას, როგორიცაა მეხსიერების გაუარესება, უინიციატივობა, სიძნელეები ყოველდღიური საქმიანობის და თვითმომსახურების დროს.
პრეპარატი არ მოქმედებს სუნთქვაზე, პულსსა და არტერიულ წნევაზე, ამდენად, შესაძლებელია მისი ხანგრძლივი გამოყენება. 
ფარმაკოკინეტიკა
შეწოვა
ციტიკოლინი ინტრავენური და ინტრამუსკულარული შეყვანისას კარგად აბსორბირდება.
მეტაბოლიზმი
ციტიკოლინი ინტრავენური და ინტრამუსკულარული შეყვანისას მეტაბოლიზმს განიცდის ღვიძლში ქოლინის და ციტიდინის წარმოქმნით. პარენტერალური შეყვანის შემდეგ სისხლის პლაზმაში ქოლინის კონცენტრაცია მნიშვნელოვნად იზრდება.
განაწილება
ციტიკოლინი მნიშვნელოვანი ხარისხით ნაწილდება თავის ტვინის სტრუქტურებში, ქოლინის ფრაქციების სწრაფი დანერგვით სტრუქტურულ ფოსფოლიპიდებში და ციტიდინის ფრაქციის – ციტიდინის ნუკლეოტიდებსა და ნუკლეინის მჟავებში.
ციტიკოლინი აღწევს თავის ტვინში, წარმოქმნის რა სტრუქტურული ფოსფოლიპიდების ნაწილს, აქტიურად ერთვება უჯრედულ, ციტოპლაზმურ და მიტოქონდრიულ მემბრანებში.
გამოყოფა
ციტიკოლინის შეყვანილი დოზის მხოლოდ 15% გამოიყოფა ადამიანის ორგანიზმიდან: 3%-ზე ნაკლები – თირკმლებით და დაახლოებით 12% -ამოსუნთქულ ჩO2-თან ერთად. ციტიკოლინის შარდთან ერთად ექსკრეციაში შეიძლება გამოვყოთ 2 ფაზა: პირველი ფაზა, რომელიც გრძელდება დაახლოებით 36 საათს, რომლის გამოყოფის სიჩქარე სწრაფად მცირდება და მეორე ფაზა, რომლის გამოყოფის სიჩქარე მცირდება შედარებით ნელა. იგივენაირად აღინიშნება ამოსუნთქულ ჩO2-თან ერთად – გამოყოფის სიჩქარე ქვეითდება სწრაფად 15 საათში, ხოლო შემდეგ მცირდება შედარებით ნელა.
 
გამოყენების ჩვენებები
- იშემიური ინსულტის მწვავე პერიოდი;
- იშემიური და ჰემორაგიული ინსულტის აღდგენითი პერიოდი;
- ქალა-ტვინის ტრავმა, მწვავე და აღდგენითი პერიოდი;
- კოგნიტიური დარღვევები თავის ტვინის დეგენერაციული და სისხლძარღვოვანი დაავადებების დროს.

 

გამოყენების წესი და დოზები
ხსნარი ინტრავენური და ინტრამუსკულარული გამოყენებისთვის.
ინტრავენურად ინიშნება ნელი ინტრავენური ინექციის სახით (5 წუთის განმავლობაში) ან წვეთოვანით ინტრავენური გადასხმისთვის (40 – 60 წვეთი წუთში). ინტრავენური შეყვანის გზა უფრო ეფექტურია, ვიდრე ინტრამუსკულარული. ინტრამუსკულარული გამოყენებისას არ არის მიზანშეწონილი პრეპარატის განმეორებითი ინექცია  ერთიდაიმავე ადგილზე. იშემიური ინსულტის და ქალა-ტვინის ტრავმის დროს მწვავე პერიოდში: რეკომენდებული დოზაა 1000 მგ ყოველ 12 საათში დიაგნოზის დადგენის პირველივე დღიდან; მკურნალობის დაწყებიდან 3-7 დღის შემდეგ, შესაძლებელია ინტრამუსკულარულ (1-2 ინექცია დღე-ღამეში) ან პერორალურ (თუ ყლაპვის ფუნქცია დარღვეული არ არის) გამოყენებაზე გადასვლა.
იშემიური და ჰემორაგიული ინსულტის, ქალა-ტვინის ტრამვის აღდგენითი პერიოდი, თავის ტვინის დეგენერაციული და სისხლძარღვოვანი დაავადებების დროს კოგნიტიური დარღვევები: რეკომენდებული დოზა შეადგენს 500-2000 მგ დღე-ღამეში. დოზა და მკურნალობის ხანგრძლივობა დამოკიდებულია დაავადების სიმპტომების სიმძიმეზე.
ცნობიერების ხანგრძლივი დარღვევების დროს შესაძლებელია დაავადების საწყისი სტადიიდან პრეპარატის უწყვეტი გამოყენება.
ხანდაზმული ასაკის პაციენტებს პრეპარატ სერტოზინის ი.ვ. ან ი.მ. შეყვანისას დოზის კორექცია არ ესაჭიროებათ.
ი.ვ. და ი.მ. საინექციო ხსნარი ამპულაში განკუთვნილია ერთჯერადი გამოყენებისთვის. ამპულის გახსნის შემდეგ ხსნარი უნდა გამოვიყენოთ დაუყონებლივ. პრეპარატი შეთავსებადია ი.ვ. იზოტონური ხსნარების ყველა სახეობასთან და დექსტროზას ხსნარებთან.

 

უკუჩვენებები
- მომატებული მგრძნობელობა პრეპარატის კომპონენტების მიმართ.
- გამოხატული ვაგოტონია (ვეგეტატიური ნერვული სისტემის პარასიმპათიკური ნაწილის ტონუსის მომატება).

 

გვერდითი მოვლენები
სერტოზინი როგორც წესი კარგად გადაიტანება. არასასურველი გვერდითი რეაქციების სიხშირე ძალიან იშვიათია (<1/10000) (ინდივიდუალური შემთხვევების ჩათვლით).
ცნს-ის და პერიფერიული ნერვული სისტემის მხრივ: უძილობა, თავის ტკივილი, თავბრუსხვევა, აგზნებადობა, ტრემორი, პარალიზებული კიდურების დაბუჟება.
საჭმლის-მომნელებელი სისტემის მხრივ: გულისრევა, მადის დაქვეითება, ღვიძლის ფერმენტების აქტივობის შეცვლა.
ალერგიული რეაქციები: კანზე გამონაყარი, ქავილი, ანაფილაქსიური შოკი.
სხვა: ცხელება; ცალკეულ შემთხვევებში პარასიმპათიკური ნერვული სისტემის სტიმულირება, აგრეთვე ხანმოკლე ჰიპოტენზიური მოქმედება.
თუ ინსტრუქციაში მითითებული რომელიმე გვერდითი ეფექტი ძლიერდება, არ შეიმჩნევა სხვა გვერდითი ეფექტები, რომლებიც ინსტრუქციაში არ არის მითითებული, უნდა აცნობოთ ექიმს.

 

განსაკუთრებული მითითებები
თავის ტვინის ტრავმების დროს ქალასშიდა წნევის დაქვეითებისთვის აუცილებელია ისეთი პრეპარატების დანიშვნა, როგორიცაა მანიტოლი და კორტიკოსტეროიდები.
ქალასშიდა სისხლჩაქცევისას არ შეიძლება ციტიკოლინის დოზის 500 მგ გადაჭარბება, ასეთ შემთხვევაში შესაძლებელია დოზის დაყოფა (100-200 მგ 2-3 ჯერ დღე ღამეში).

 

ზემოქმედება ავტომობილისა და სხვა მექანიზმების მართვაზე
მკურნალობის პერიოდში პაციენტებმა უნდა დაიცვან სიფრთხილე ავტომობილის მართვისა და სხვა სამუშაოების შესრულებისას, რომლებიც მოითხოვს ფსიქომოტორული რეაქციების სისწრაფეს.

 

გამოყენება ორსულობისა და ლაქტაციის პერიოდში
ორსულობის დროს პრეპარატის დანიშვნა მიზანშეწონილია მხოლოდ იმ შემთხვევაში, თუ მოსალოდნელი სარგებელი დედისთვის აღემატება პოტენციურ რისკს ახალშობილისთვის.
ლაქტაციის პერიოდში პრეპარატის დანიშვნისას აუცილებელია უნდა დაისვას საკითხი ძუძუთი კვების შეწყვეტის შესახებ.

 

გამოყენება პედიატრიაში
ბავშვებში და მოზარდებში 18 წლამდე პრეპარატის გამოყენების უსაფრთხოება და ეფექტურობა არ არის დადგენილი.

 

ურთიერთქმედება სხვა სამკურნალო საშუალებებთან
ციტიკოლინი აძლიერებს ლევოდოფას მოქმედებას.
არ არის რეკომენდებული პრეპარატის ერთდროული გამოყენება მეკლოფენოქსატის შემცველ სამკურნალო საშუალებებთან.
სერტოზინის ერთდროული გამოყენება შესაძლებელია სისხლის აღმდგენ, ქალას შიდა ანტიჰიპერტენზიულ საშუალებებთან და ჩვეულებრივ პერფუზიულ სითხეებთან ერთად.

 

ჭარბი დოზირება
პრეპარატის დაბალი ტოქსიურობის გამო ჰიპერდოზირების შემთხვევები აღწერილი არ არის თერაპიული დოზის გადაჭარბების შემთხვევაშიც კი. 

 

გამოშვების ფორმა
საინექციო ხსნარის 4 მლ მინის უფერო ამპულაში.
5 ამპულა კონტურულ უჯრედოვან შეფუთვაში.
1 კონტურულ უჯრედოვანი შეფუთვა ფურცელ ჩანართთან ერთად მუყაოს კოლოფში.

 

შენახვის პირობები
ინახება არა უმეტეს 250ჩ ტემპერატურაზე.
ინახება ბავშვებისთვის მიუწვდომელ ადგილას!

 

ვარგისიანობის ვადა
5 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.

 

აფთიაქიდან გაცემის პირობა
ფარმაცევტული პროდუქტის ჯგუფი II, გაიცემა ფორმა #3 რეცეპტით.

 

მწარმოებელი
სავაჭრო ნიშნისა და რეგისტრაციის სერტიფიკატის მფლობელია კომპანია
“დრ სერტუს ილაჩ სანაი ვე ტიკარეტ ლიმიტედ შირკეტი”, თურქეთი

(“DR SERTUS İLAÇ SANAYİ VE TİCARET LİMİTED ŞİRKETİ”, TURKEY).

 

 

დამზადებულია
“ფარმავიჟენ სანაიი ვე ტიკარეტ ა.შ.”-ს მიერ, თურქეთი
(დავუთფაშა ჯადესი #145, ტოპკაპი, სტამბოლი)A

“PharmaVision Sanayi ve Ticaret A.Ş.”, Turkey

(Davutpaşa Caddesi No.145, Topkapı, İstanbul).